Паймона Ҳамдамова: Ёдбуди фарзанди азизи ин миллат дар Конодо

Имрӯз 40 рӯз сипарӣ мешавад, ки Паймона-бону дар миёни мо нест. Эҳсосоти хилват, холигоҳӣ, рӯҳафтодагӣ ҳанӯз ҳам фазои аҳли муҳоҷирати тоҷики Конодоро фарогир аст. Даргузашти нахустин тоҷики Тоҷикистон дар торихи 150-солагии Конодо ҳамаи аҳли Ҷомеъаи тоҷикони Конодоро дардманд ва дилшикаста намудааст. Имрӯз дар шаҳрҳои Душанбе, Панҷакент, Маскав, Санкт-Петерсбург ва Монтреал ҷамъомадҳои ёдбуди Паймона-бону баргузор мешаванд.
Ӯ 38 сол дошт, ҳафт сол қабл бо умеду орзуҳои ширин бо ҷигарбандонаш ва ҳамсараш вориди Конодо шуд. Дар муддати кӯтоҳ миёни аҳли муҳоҷират обрӯ ва манзалати хешро пайдо намуд. Дар муҳоҷират бо муваффақ буд, аз маҳбубияти хоси ҳамаи мардуми мо бархӯрдор буд. Дар Ҷомеъаи тоҷикони Конодо масъули бахши фарҳангӣ ва узви Шӯрои раҳбарии ин созмон буд. Паймона-бону чунон хоксор буд, ки бо истеъдоди табиӣ, дониши фароҳ, тафаккури расову миллӣ, ва ватанпарастиву масъулиятшиносӣ эҳсосе надошт, ки метавонист дар Ватанаш вазири бомуваффақи фарҳанг ё омори кишвараш бошад. Чунин фарзандони азизи миллат дар байни Ҷомеъаи тоҷикони Конодо зиёданд...
Дар рӯзи ёдбуди ин азиз аз ҳамаи шумоёни гиромӣ хоҳиш менамоем ба рӯҳи поки хоҳари дилсӯзи Ватан ва ғарибамон дуову ниёиш намоед. Дӯстоне, ки хоҳиш доранд дар рӯзи ёдбуди Паймона-бону гул тақдим намоянд, аз ишон мӯҳтарамона тақозо менамоем, ононро ба унвонии Анҷумани мубориза алайҳи бемории саратон дар Конодо ва созмонҳои мазбур дар маҳалҳояшон ирсол намоянд.
Инсони воқеан поку бе олоишу бе озору меҳанпарасте, ки ҳамеша ёдаш Ватану наздиконаш буд, Паймона-бонуи азиз.
Рӯҳи покат шод, ёди нозанинат гиромӣ ва номат ҳамеша дар қалбҳои мо!

Бо эҳтиром,
Равшани Темуриён

Бунёдгузор ва раҳбари Ҷомеъаи тоҷикони Конодо

   Рӯзи таваллуд муборак, Аброл-Ака!

Аброр Қаҳҳоров, узви Шӯрои раҳбарии ҷомеаи тоҷикони Канада

Дуктури улуми иқтисодӣ, профессор Аброр Қаҳҳоров зодаи шаҳри Ҷамбули Қазоқистон. Падаркалони Аброр Қаҳҳоров аз тариқи падарӣ Калонхоҷа Эшонхӯҷаев ва модаркалонашон Саодатпошшо Эшонхӯҷаева аз Истаравшани бостонӣ мебошанд, тарафи модариашон аз деҳаи Алмос ҳамсоядеҳи Чусти Фарғона. Дар давраи туфуллият ишон аз падару модар маҳрум монда, дар ятимхонаҳо ба воя расидааст. Дастпарвари донишкадаи политехникии Осиёи Миёна, муҳандиси маъданҳои кӯҳӣ. Дар вазифаи раиси кулли истихроҷи тилло дар Ӯзбекистон, лауреати мукофоти давлатии СССР. Яке аз чанд мутахассиси сатҳи ҷаҳонӣ оид ба истихроҷи тилло, гули сари сабади ҷомеаи тоҷики Канада.

Ҳамеша саломату сарбаланду хушбахт бошед!
Ҳузури Шумои азиз Ҷомеаи тоҷикони Конодоро фараҳ мебахшад!

Зодрӯзатон пирӯз!

Прекрасного Дня рождения, Вам, уважаемый Аброл-ака!


Аз Ҷомеаи тоҷикони Канада

Бо ҷаҳони сипос аз ҳамаи азизон, дӯстон ва мардуме, ки дар ин рӯзҳои хеле вазнин бо хонаводаи бону Паймона Ҳамдамова ва ҷамъияти мо буданд, дар маросими видоъ, намози ҷаноза дар Маркази Исломии Квебек дар шаҳри Монтреал ва маросими хоксупории бонуи азизи аҳли муҳоҷирати тоҷик, узви Шӯрои раҳбарӣ ва мудири бахши фарҳангии Ҷомеаи тоҷикони Конодо дар Оромгоҳи мусалмонон дар шаҳри Лавал ширкат намуданд.

Мутаассифона, борони ногаҳонии сели шадид нагузошт ҳама дарду алами наздикону дӯстон дар маросими хоксупорӣ иброз шавад, аммо ин ҳам худ баёнгари аҳволи ҳамаи мову шумоён дар баробари андӯҳи бузурги якояки аҳли муҳоҷират буд.

Рӯҳи поку равони бону Паймона шод!
Ёди нозанинаш гиромӣ!
Номаш ҷовидон бод!

Изҳороти Ҷомеаи тоҷикони Конодо

Шоми гузашта соати 8:44 дақиқа яке аз чеҳраҳои барҷастаи аҳли муҳоҷирати тоҷик, узви Шӯрои раҳбарии Ҷомеаи тоҷикони Конодо бону Паймона Ҳамдамова ин дунёро падрӯд гуфт.
Паймона-бону дар синни 38-солагӣ муҳорибаи чаҳорсолаи хешро алайҳи бемории саратон дар ғурбат бохт. Марҳум баъди худ ду писари ноболиғ Манучеҳр ва Мунирро бо падарашон д-р Саидмуҳаммад Оқилзода бозмонд.


Аз сомонаи Ҷомеаи тоҷикони Конодо:


Паймона зодаи шаҳри бостонии Панҷакент, зодгоҳи устод Рӯдакии бузург. 
Дастпарвари Донишгоҳи давлатии забонҳо дар ш. Душанбе. Журналист, мутахассиси умури омори давлатӣ. 
Ҳудуди ҳафт сол аст, ки бо хонаводааш ва ду фарзандаш дар шаҳри Монтреали Канада зиндагӣ мекунанд. Дар Канада коллеҷи Сан-Леонард Де Винчиро дар риштаи муҳосиби касбии ин кишвар ба анҷом расонд.
Бону Паймона Ҳамдамова узви Шӯрои раҳбарии Ҷомеаи тоҷикони Конодо ва масъули бахши фарҳангии анҷумани мазкур (аз соли 2014).

Ҷомеаи тоҷикони Конодо аз ҳамтақдирон хоҳиш менамояд имрӯз рӯзи сешанбеи 24-уми октябри соли 2017 соати 1:30 зӯҳр дар Маркази Исломии Квебек дар шаҳри Монтреал бо адреси зайл:


2520 Chemin Laval, Saint-Laurent, QC H4L 3A1 

дар маросими видоъ ва намози ҷанозаи нахустин тоҷики ғариб дар торихи Конодо ширкат намоянд.

Рӯҳи поку беғуборат шод ва ёди нозанинат дар қалби мардуми бечораи муҳоҷири тоҷики Конодо то абад боқӣ!

Диламон хун мегиряд...

24.10.2017


Шом бо сарвазири ояндаи Конодо

Шоми хубе буд.
Бо мӯҳтарам ҷаноби Максим Берние аз соли 2006 шинос ҳастем. Ба мо, ҷомеаи тоҷикон бисёр меҳрубонй намуда, дар маснади вазири умури хориҷаи Конодо нахустин маротиба дар тӯли торихи 170-солаи давлати Конодо аҳли муҳоҷирати тоҷикро расман эътироф намуданд ва ба мӯҳтарам сарвазири вақт ҷаноби Стивен Ҳарпер муаррифӣ карданд. 
Ҷаноби Берние ҳоло барои раҳбарии Ҳизби оппозитсионии консерватив (муҳофизакор)-и Конодо мубориза доранд. Тибқи пурсишҳои саросарии кишварамон ишон дар миёни 10 номзад дар зинаи аввал қарор доранд. Интихоботи ояндаи кишвар соли 2019 бояд барпо гардад. Аммо банда фикр дорам агар сарвазири кунунӣ зиндагии шахсии ҳавобаландона ва харҷи маблағҳои бисёрмиллионаи мо, молиётпардозони мамлакатро ба чапу рост идома додан гирад, аз эҳтимол дур намедонам, ки миллат интихоботи пеш аз мӯҳлатро талаб намуда, ҷаноби Трюдоро аз тахт чаппа кунад.
Ҷаноби Максим Берние зимни сӯҳбат бо мо паёми гарми худро ба ҷомеаи тоҷикони Конодо ва хонаводаи онҳо, ки дар рушди иктисодиву иҷтимой ва фарҳангии кишвари азизамон Конодо саҳми сазовор доранд, тақдим намуд.
Мо ҳам дар навбати худ дуруду ҳурмати аҳли ҷамъиятамонро ба ишон ирсол доштем.

La Palace, Laval, Quebec
May 04, 2017

Наврӯзи Самарқандиён ва аҳли муҳоҷират дар Филаделфиё 



Наврӯзи хуҷастапай фаро расид...

Имсол ҳам "бачаҳо"-и мо Наврӯзро дар Конодо мӯҳташаму мутантан истиқбол гирифтанд. Кумитаи тадорукоти ҷомеаи тоҷикони Конодо чанд ҳафтаи охир омодагӣ ба ин ҷашни миллӣ гирифт. Дастандаркорони ҷашн гурӯҳи ҷавонони тоҷик таҳти раҳбарии хонаводаҳои мӯҳтарами ҷомеаи мо Саидмуҳаммад ва Паймона-бону, Фаридунҷон ва дигар аъзои ҷамъияти тоҷикони Конодо дар баргузорӣ ва ҷамъ намудани тоҷикону тоҷикистониён саҳми арзандае гузоштанд.
Гардонандагии маҷлиси Наврӯзии тоҷикистониёнро дар шаҳри зебоманзари Монтреал бону Паймона Ҳамдамова бар дӯш гирифта, ҷамъомади ҷомеаи моро пуррангу зебо намуданд. Ширкати хонаводаҳои тоҷикони Бухоро ва Оҳангарон нишасти Наврӯзии тоҷиконро боз ҳам пурҷилову хушманзар ба маъраз гузошт.
Бунёдгузор ва раҳбари ҷомеаи тоҷикони Конодо Равшани Темуриён аз номи ҳамаи аъзои Шӯрои раҳбарии ҷомеа аҳли маҷлиси ҷашниро бо Наврӯзи оламафрӯз табрику таҳният гуфта, дар рӯзи ид аз шахсиятҳои барҷастаи ҷомеаи тоҷикони Конодо ёдовар шуд.
Баъд сухан ба оҳангсози сатҳи ҷаҳонии машҳури тоҷиктабори Конодову Свидан ва мамолики Ғарб, узви Шӯрои раҳбарии ҷомеаи тоҷикони Конодо хонум Фарангис Нуруллохоҷа дода шуд. Хонум Фарангис аз номи хонаводаи мӯҳтарамашон аҳли маҷлиси Наврӯзи тоҷиконро муборакбод намуда, ба аъзои ҷамъият саломативу комёбиҳо орзу намуд.
Сипас дар ҳавои шӯру шавқи Наврӯзӣ гардонандаи маҷлис бо кӯдакони тоҷик шеъру рақсҳои тоҷикиро бахшида ба ҷашни Наврӯз ба иҷро расонда, аҳли нишастро ба рақсу ҷашнгирии пурмӯҳташами Ид даъват намуданд. 
Дар ҷараёни ҷамъомади миллат дар Конодо аъзо ва фаъолони ҷамъияти мо мӯҳтарам бародарон Абдулвоҳид ва Илҳомҷон ва чанде аз аҳли маҷлис ҳозиринро бо ҷашни аждодии бостонии мардумамон таҳният гуфтанд.

Маҷлиси Наврӯзии ҷомеаи тоҷикони Конодо дар Монтреал барои бори дуввум бисёр мӯҳташам ва бо шӯру шавқи тоҷикистонӣ сипарӣ гашта, дар хотираи мардуми аҳли муҳоҷират то дер нақш хоҳад баст.

Дар поёни гузоришамон чанд пора акс аз лаҳазоти гуногуни нишасти Наврӯзии тоҷикони Конодо дар шаҳри Монтреал бароятон тақдим мегардад.

Ҳар қавм варо зи хештан медонад,
Пироҳани тоҷикона дорад, Наврӯз.
Зардуштсулола ҳасту Ҷамшеднажод,
Аз Ҷоми Ҷамам нишона дорад, Наврӯз.

(Шаҳрия)

Равшани Темуриён | Монреал, Канада


Профессор Аброл (Аброр) Қаҳҳоров ба синни мубораки 80 қадам мениҳанд.

Аброл-акаро 17 сол пеш аз тариқи Интернет пайдо кардам. Ишон ҳам мисли мо дар Конодо, каме дуртар аз мо, дар шаҳри Торонто зиндагӣ мекунанд. Аз сӯҳбату дидорҳо ҳис мекардам, ки ин абармарди илму мутахассиси сатҳи ҷаҳонии умури истихроҷи тилло барои мо, тоҷикон гуфтаниҳои зиёде доранд.
Дар бораи Аброл-ака соатҳо нақл карданам мумкин. 
Ишон инсони шариф, донишманди фарҳехта, шахси нуктасанҷ, бовиждон, падар ва падаркалони хубу ноз. Агар дар дунё чанд мутахассиси соҳаи истихроҷи тилло бошанд, якеашон доктори илмҳои иқтисодӣ, профессор Аброл Қаҳҳоров мебошанд. Дар қатори профессор Қаҳҳоров дигар коршиносони сатҳи худашон президент Осиф Алӣ Зардорӣ аз Покистон ва профессор Эдвард аз Гаяна ва чанде мутахассисони ангуштшумори ҷаҳонӣ  қарор доранд.
Аз рӯзҳои аввали дӯстии мо, маълум шуд, ки Аброл-ака аз тарафи модарӣ аз ӯзбекҳои водӣ ва аз тарафи падаркалони қиблагоҳашон тоҷики Уструшанӣ ҳастанд. Ишон мегӯянд: "Барои мардуми тарафи модарӣ мо хидматҳоеро анҷом додем, аммо дилам бисёр мехоҳад, ба миллати падаркалони обрӯмандам Калонхӯҷаи Уструшанӣ дар хидмат бошам."

                                                                                                                  Идомаи матлаб >>>

Ҳамватанони азиз, тоҷиктаборони Конодо!

Сӯхторҳои даҳшатнок дар шаҳри Форт МкМӯррӣ ба фоҷиаи инсонӣ мубаддал гаштанд. Мавҷи сӯхторҳо манзилу идораву корхонаву биноҳои ҷамъиятиро ба хокистар табдил дода истодааст. Ҳукумати Олберто мегӯяд, 88 ҳазор мардум шаҳри Форт МкМӯрриро тарк карданд. Мардуми Олберто ҳиммати хешро нишон дода, аксари мардуми осебдидаро ба хонаҳояшон ҷо дода истодаанд, аммо гуруҳи зиёди мардуми беҷошуда, дар миёни замину осмон дар манотиқи чаманзорҳо, яъне прерий мондаанд.

Ҳамватанони гиромӣ, аз Шумоёни гиромӣ хоҳиш карда мешавад, ба ҳисоби Салиби Сурхи Конодо ва шумораҳои телефонӣ, ки аз тариқи барномаҳои СиБиСи Нйус ва СиТиВи Нйус эълон шудаанд, хайрия ба унвонии осебдидагони шаҳри валангор гаштаи кишварамон ирсол намоянд.

То ҳамин лаҳзаҳо мардуми наҷиби конодоӣ маблағи 11 миллион дуллорро ба ҳисоби Салиби Сурхи Конодо таҳвил намудаанд.

Дар ин рӯзҳои душвор барои сокинони шаҳри Форт МкМӯррӣ ва Конодо, мо, тоҷиктаборони ин кишвар худро аз кулли мардуми Конодо ҷудо намедонем.

Сипоси фаровон аз ҳиммататон!


Шӯрои раҳбарии Ҷомеаи тоҷикони Конодо

5 маи соли 2016,

Монтреал, Конодо

2014 Community Leader Awards: Our Inspirational People 

Шӯрои раҳбариии ҷомеаи тоҷикони Канада дар арафаи ҷашни Соли Нав Пешгомони ҷомеаи тоҷики Канада  - ашхоси шоистаи илҳомбахш дар муҳоҷират дар соли 2014-ро эълон дошт. 

Барандагони ҷоизаи соли 2014 шахсияти илҳомбахши ҷамъияти тоҷик дар Канада дар соли сипарӣ шуда хонум Зулфия Мирзоева ва ҷаноби Муҳаммад Форуқи Аҳмадӣ эълон шуданд.  Ҳар ду барои такопӯашон баҳри муттаҳид кардани ҷомеаи тоҷиктаборон дар иёлоти Алберта ва Онтариои Канада ба ҷоизаи сол мушарраф шуданд.

Ҷомеаи тоҷикони Канада хонум Зулфия Мирзоева ва д-р Муҳаммад Форуқи Аҳмадиро бо ин комёбии барҷаста табрику таҳният гуфта, барояшон тандурустӣ, хушбахтӣ ва комёбиҳо дар зиндагиашон орзу дорад.

Мо, аҳли муҳоҷират, бо шумоёни азиз ифтихор дорем!

Соли Наватон муборак, ҳамватанони ҳамтақдир!

Зулфия Мирзоева

Зулфия дар дараи фараҳбахшу биҳиштии Варзоб воқеъ дар шафати шимолии шаҳри Душанбе ба дунё омада, баъди хатми мактаби ҳаштсолаи ноҳияаш ба омӯзишгоҳи тиббии шаҳри Душанбе дохил шуда, соҳиби касби ҳамшираи тиббӣ гашт. Баъдан дар Донишгоҳи давалатии миллии Тоҷикистон дар риштаи забон ва адабиёт ба бахши ғоибона таҳсилашро идома дод ва ҳамзамон ӯ муваффақ шуд Коллеҷи тиҷоратии Тоҷикистонро дар риштаи соҳибкорӣ дар бозори байнамилалии мол ва хизматрасониро ба анҷом бирасонад. Дар солҳои 1996 то 2005 дар вазорати маорифи Тоҷикистон ва Иттифоқи нависандагони ин кишвар фаъолият дошт. Соли 2005 хонаводаи Зулфия бо духтари дусолаашон ба Канада муҳоҷират намуданд. Нӯҳ сол аст, ки ишон бо оилаашон ва ду фарзандашон, яке духтар ва дигаре писар, ки дар кишвари Канада ба дунё омад, дар шаҳри Едмонтони иялоти Алберта зиндагӣ ихтиёр намудаанд. Зулфия дар солҳои 2010-2011 тадриси қаблаздонишгоҳии Канадаиро сипарӣ намуда, дар соли 2011 ба донишгоҳи мӯътабари Алберта дар риштаи иқтисод ва сиёсат дохил шуд. Зулфия яке аз фарзандони бисёр дӯстдоштаи миллати тоҷик дар Канада ба шумор рафта, ҳамеша дар набзи корҳои ҷамъияти тоҷикони Канада ҳастанд.

Дар маҷлиси намояндагони тоҷикистониёни муқими Едмонтони Алберта бо иштироки мири шаҳри Едмонтон ҷаноби Дон Ивесон бону Зулфия Мирзоева якдилона раиси ҷамъияти тоҷкони Алберта интихоб шуд. Ишон ҳамраиси ҷомеаи тоҷикони Канада ба шумор мераванд.

Муҳаммад Форуқ Аҳмадӣ

Азизи ҷамъияти тоҷикони Канада Муҳаммад Форуқи Аҳмадӣ зодаи шаҳри Кобули Афғонистон. Даруси ибтидоӣ ва олиро  дар лисаи Нодирияи Кобул ба поён расонида, баъдан шомили донишгоҳи тиббии Кобул шуда, баъди хатми он ба ҳайси дуктури тиб (ортопедӣ) дар яке аз шифохонаҳои шаҳри Кобул ифои вазифа намуда, дар солҳои 1992-2002 дар Покистон шурӯъи муҳоҷиратро сипарӣ намуда,дар як шифохонаи шахсӣ кор мекард. Солҳои 2002-2010 дар вазорати сиҳати Афғонистон ифои вазифа намуда, дар соли 2011 ба ҳайси муҳоҷир ба шаҳри Торонтои Канада иродат намуда, дар ширкати фармасевтикии Biopharma Service Inc. вазифа иҷро менамояд. 

Оҳангсоз Фарангис Нурулло-Хоҷа

Дар бинои консерваторияи Иттиҳоди оҳангсозони Квебек ва Монтреали Конодо нахуст иҷрои асари оҳангсози машхури тоҷиктабори Конодо, узви Шӯрои раҳбарии ҷамьияти тоҷикони Конодо Фарангис Нурулло-Хоҷа таҳти унвони "На ин ҷову на он ҷо" баргузор гардид.

Асари Фарангисро оркестри симфонии "Turning Point"-и шахри Ванкувер ба ичро расонд.
Асари ӯ зери таьсири муҳоҷирати тӯлонй эҷод шуда, бештар ҳавои носталжй дошта, ташвишҳои рӯзмарраи аҳли ғурбат дар нотҳои асари Фарангис эҳсос мешавад.

Қабл аз нахустиҷрои асари ҷадид, Фарангис ба саволҳои барандаи консарт ба забони равони фаронсавй посух гуфта, аз мухлисони сершумори конодой изҳори сипос намуд.
Бунёдгузор ва лидери ҷомеаи тоҷикони Конодо Равшани Темуриён ва хонаводаи тоҷикони шаҳри Монтреал Фарангисро бо нахустиҷрои асараш табрик гуфта, ба ӯ гулу гулдастаҳо тақдим намуданд.

  Аз Ҷомеаи тоҷикони Канада

Тоҷикон дар Канада рӯ ба афзоишанд 


Дар маркази иялоти Алберта шаҳри Эдмонтон тоҷикони Тоҷикистон ҳафтаи гузашта ду нишасти ҷамъияти тоҷиктаборони муқими Эдмонтонро доир карданд.

Раиси шаҳри Эдмонтони Канада мӯҳтарам ҷаноби Дон Ивесон аз ҷамъияти тоҷикистониёни Алберта дастгирӣ ба амал оварда, хоҳони ҳамкорӣ бо ҷамъияти тоҷикони Канада дар пешрафти ҷомеаи кассирулмиллати ин кишвар шуд. 

Ғамхории бародаронаи раиси шаҳри нерӯмандтарини саноатии Канада - шаҳри Эдмонтон барои мо, тоҷиктаборони ин сарзамин хеле арзиш дорад.

Дар ду нишасти ахир дар шаҳри Эдмонтон тоҷиктаборони тоҷикистонӣ бо аҳли хонаводаҳои худ бо ҳам муттаҳид гирди ҳам омаданд.

Дар нишастҳо мардуми тоҷики Эдмонтони Канада ба хулосае омаданд, ки ҷамъияти тоҷиконро тавсеъа дода, бахше аз ҷомеаи тоҷикони Канадаро дар ин иялот таъсис диҳанд. Дар таърихи ҷомеаи тоҷикони Канада бори нахуст мешавад, ки дар иялоти Алберта созмони тоҷикистониён ташкил мешавад.

Дар рафти маҷлиси ташкилӣ ҳама намояндагони хонаводаҳои тоҷикистонии муқими Эдмонтон дар бораи зарурати ташкили созмони тоҷикон дар иялоти Алберта шуданд. Раиси шаҳри Едмонтон ҷаноби Ивесон низ аз зуҳури ҷомеаи тоҷиктаборон дар саросари Канада ва хусусан дар иялоти Алберта ва маркази он шаҳри Эдмонтон изҳори хушӣ намуд ва пешниҳоди намояндагони тоҷиктаборро дар бораи арзи вуҷуди ташкилоти расмӣ дар ин минтақаи Канада зарурати вақт хонд.

Аксари тоҷикистониёни Эдмонтон якдилона номзадии бону Зулфия Мирзоева, донишҷӯи донишгоҳи Алберта ва узви раҳбарии ҷамъияти тоҷикони Канадаро ба вазифаи раиси ҷамъияти тоҷикони Алберта бо қароргоҳаш дар шаҳри Эдмонтон интихоб намуданд.

Ҷомеаи тоҷикони Канада бо интихоби бону Зулфия Мирзоева, ба маснади раиси ҷамъияти тоҷикони Алберта ва  ҳамраиси ҷомеаи тоҷикони Канада табрик гуфта, якдилона аз пуштибонии ишон эълон медорад. Ва ба ишон комёбиҳои бузург таманно дорад. Ҳамчунин ҷомеаи тоҷикони Канада аз бону З.Мирзоева хоҳиш менамояд, ҷамъияти тоҷикони Алберта ва ҷомеаи тоҷикони Канадаро расман дар шаҳри Эдмонтони иялоти Албертаи Канада ба расмият дароваранд.

Ҳамаи суратҳои базми тоҷикистониёни Канада >>>

Pictures of the New Year Party of Tajikistanis of Canada >>>

--------------------------------------------------------------------------------------------------

Сомонаи Ҷомеаи тоҷикони Канада

Ҷомеаи тоҷикони Канада созмони фарҳангист. Мақсади анҷумани мо дар миёни фарҳанги бисёрмиллати Конодо ҷои сазовор додани фарҳанги волои тоҷикон буда, дар баробари ин тарбияи насли наврас дар рӯҳияи миллии тоҷикон мебошад. Ҷомеаи мо сол то сол рӯ ба афзоиш аст. Вақте ки ин сомона арзи вуҷуд намуда буд, он расман бо номи Анҷумани тоҷикони Канада рӯ ба фаъолият сар карда буд. Он вақт мо кӯшиш кардем, ки тоҷиктаборони Тоҷикистон, Афғонистон ва Ӯзбакистонро муттаҳид созем. Аммо баъзе аз дӯстони ғайритоҷикистонии мо афкори мухталиф дар ин бобат ва ҳатто иддае аз вожаи "тоҷик" доштани номи анҷуман дар миёни созмонҳои афғонӣ дар ҳолати номуайянӣ қарор гирифта буданд. Аммо ба ин гурӯҳ нигоҳ накарда, тӯли ин солҳо анҷумани тоҷикон дар миёни анҷуманҳои миллию фарҳангии Канада эътироф шуд ва мавқеъи хоси худро пайдо кард. Аз моҳи марти соли 2014 сомонаи ҷомеаи тоҷикони Канада фақат марбут ба ҷамъияти тоҷикистонии Канада ва чанде дӯстони тоҷику форсизабонони Ӯзбакистон, Афғонистон, Русия, Исроил ва дигар кишварҳост, ки дар қаламрави Канада зиндагӣ мекунанд ва розӣ ҳастанд таҳти парчами Тоҷикистон ва Канада бо мо якҷо бошанд. Ҷомеаи тоҷикони Канада аслан инъикосдиҳандаи рӯҳу афкори тарафдоронаш: тоҷиктаборон ва тоҷикистониёни муқими Канада буда, бо ягон ниҳоде дар Тоҷикистон ё дигар кишваре тобеъ ва ё пойбанд нест. 

Сомонаи ҷомеаи тоҷикони Канада ба озодии сухан арҷ мегузорад ва ҳама гуна афкори солимро ба нашр медиҳад. 

Мамнун аз ҳамкориҳоятон бо ҷомеаи тоҷикони Канада, аввалин ташкилоти тоҷиктаборони Тоҷикистон ва дигар кишварҳо дар қаламрави давлати Канада.

Бо эҳтиром, 

Бунёдгузор ва раҳбари ҷомеаи тоҷикони Канада,

Равшани Темуриён

 Муъмин Каноат | Душанбе, Точикистон

 БА ҲАВОДОРИ ЗАБОНИ ТОҶИКӢ

Қанд ҷӯӣ, панд ҷӯӣ, эй ҷаноб, 
Ҳар чӣ меҷӯӣ, биҷӯ. 
Бекарон баҳрест, гавҳар беҳисоб, 
Ҳар чӣ меҷӯӣ, биҷӯ. 
Форсӣ гӯӣ, дарӣ гӯӣ варо, 
Ҳар чӣ мегӯӣ, бигӯ. 
Лафзи шеъру дилбарӣ гӯӣ варо, 
Ҳар чӣ мегӯӣ, бигӯ. 
Баҳри ман танҳо забони модарист, 
Ҳамчу шири модар аст, 
Баҳри ӯ ташбеҳи дигар нест нест, 
Чунки меҳри модар аст. 
З-ин сабаб чун шӯхиҳои дилбарам, 
Дӯст медорам варо, 
Чун навозишҳои гарми модарам, 
Дӯст медорам варо. 
(1963)

Prof. Michael Barry of Princeton University: Ahmad Shah Massoud is a philosopher king in history

"Massoud's personal mysticism led him to fight without hatred, bitterness, or spirit of revenge, regarding armed conflict only as an imposed and necessary evil in order to defend his people's freedom, certainly not as an end in itself to be enjoyed as bloodlust or intoxication with power. He always provided protection for humanitarian relief in the most difficult and dangerous circumstances, looked for reconciliation with defeated enemies, and invariably treated his war prisoners with humanity and dignity. To this I was witness ... Such moral integrity in the midst of warfare ranks Massoud as one of the very few « philosopher kings » in history, that is, men who have been forced to wage war so as to protect their nation and people, but who detested war in itself and sought no personal political gain".

Prof. Michael Barry of Princeton University: Thoughts on Commander Massoud 

Сафар Абдуллоҳ: Устод Шакурӣ чеҳраи миллӣ ва фарди истисноии миллат...

"Устод Шакурӣ ва афроди дигаре, ки аз шаҳрҳои торихии тоҷикон ба Душанбе омада буданд, хотираи шаҳрнишинии ниёкони хешро дар дилу ҷони худ пинҳон намуда, ба рустои Душанбе оварда буданд, ва орзу доштанд, ки рӯҳи фарҳангии шаҳрҳои аз даст рафтаи тоҷиконро дар пайкари Душанбе бидаманд ва аз ин русто шаҳре бисозанд, ки сазовори ному фарҳангу тамаддуни дерини бумиён ва шаҳрнишинони мантақа бошад…

Онҳо буданд, ки бо ҳамаи шикасту микастҳои фоҷиабор тавонистаанд, забони форсиро дар «лақайзорони» он рӯзгор низ ҷорӣ кунанд ва бо иттако ба мероси гаронсанги ниёкон забони моро аз марг наҷот диҳанд. Сарҳалқаи ин бузургон устод Айнӣ буд ва бузургтарин ва сарсупурдатарин касе, ки барои андешаи миллӣ то охир ҷон коҳид, устод Муҳаммадҷон Шакурии Бухороӣ буд…"

Ҳаёт Неъмати Самарқандӣ: Забонро дар Тоҷикистон хор кардаанд...

"Забони тоҷикӣ асолати худро гум кардааст. Ҳатто вақте вазоратҳо меравед забонашон хароб аст, ба телевизионҳо назар афканем чунин норасоӣ дида мешавад. Сабаб дар он аст, ки мардуми аз деҳот ба шаҳр омада худашро ба шаҳр мутобиқ карда натавонистааст. Имрӯз мардум аз кадом деҳоту навоҳие, ки омадааст, лаҳчаи худро истифода мебаранд. Ман як таклифи сахт дорам, ки дар Душанбе барои ҳалли ин мушкилот курсҳои маҳви бесаводӣ ташкил гардад. Дар ҳар як идора чунин курсҳои ташаккули забон ташкил кунанд."

Сайёфи Мизроб: Акнун навбат ба арабшавии тоҷикон расид....

архе аз тоҷикон қаблан фарҳанги русиро болотар аз форсӣ мегузоштанд ва акнун гурӯҳе дигар ба забони арабӣ авлавият медиҳанд ва "миллати худро пойинтар аз миллатҳои дигар мезананд."

"Дашноме қабеҳтар аз ин чист, агар гӯянд, ки Рустаму Суҳроб исмҳои кофару маҷусӣ аст ва мо хомӯшона номҳои фарзандони худро иваз кунем?"

Дориюши Раҷабиён: Хотироти сард дар баробари зиндагию марг бехудаву пучанд...

Хабари даргузашти Пайванди Гулмуродзода, устоди рӯзноманигорони Тоҷикистон, таконам доду дар андӯҳ нишонд. Рафтани ӯро зоеъае гарон бар пайкари фарҳанги Тоҷикистон медонам. Улашбой Гулмуродов, ки бо номи бомусаммои Пайванд шинохта мешуд, аз маъдуди пайвандҳое буд, ки миёни ҷавомеъи донишгоҳии Тоҷикистону Узбакистон боқӣ мондаанд. Мову ӯ шояд бедуруду падруде аз канори ҳам рад мешудем ва хотираи ронда шуданам аз Донишгоҳ дар зеҳни ҳар думон зиёдӣ зинда буд. Аммо зиндагию марг бори дигар пучию беҳудагию бедавомии он навъ хотиротро барҷаста кард. Русуби он хотирот сирфан ёде аз як инсони фарҳехта ва устоди бисёре аз рӯзноманигорони имрӯзии Тоҷикистон аст, ки ъумре бас кӯтоҳ дошт, аммо нақше ъамиқ аз худ ба ёдгор гузошт. Равонаш шод боду роҳаш пурроҳрав.

Дустмуҳаммад Нуралй: Устод Темуриён бунёдгузори аслии Анчумани точикони Канада

"Вокеан бори аввал дар таърихи Канада бо ибтикори устод Равшани Темуриён ва точикони ахли фарханг ин Анчуман арзи зухур кард ва хафт сол аст, ки дар сарзамини Канада фаъол мебошад. Ба шарофати ишон ин Анчуман расман аз чониби хукумати Канада эътироф шуд. Хидмату захмати кобили кадри устод Равшани Темуриёнро ба дидаи кадр нигариста, аз ишон изхори сипос ва кадрдонй менамоем. "

 The Bukharian Times | New York, USA

Намоишгохи Точикистон дар Созмони Миллали Муттахид

Ахиран дар макари Созмони Миллалии Муттахид вокеъ дар шахри Нйу Йорк намоиши наккошй ва аксхо тахти унвони "Точикистон: кишвари кухистон - сарчашмаи об" барпо гардид. Намоишгохи мазкур бо ташаббуси намояндагии чумхурии Точикистон дар СММ ва Барномаи рушди Созмони Миллали Муттахид (UNDP) доир гашт. 

Гузоришгари The Bukharian Times аз кароргохи СММ иттилоъ дод, ки дар маросими гушоиши намоишгох намояндагони ахли мухочирати ИМА ва Канада, дипломатхои хоричй ва Точикистони мукими Америка ва донишчуёни точик хузур доштанд. Миёни издихоми мизбонон ва мехмонони маъракаи точикон симохои барчастаи байнамиллалй, аз кабили, муовини дабири кулли Созмони Миллали Муттахид Вичай Намбияр (Vijay Nambiar)  ва як зумра кормандони олирутбаи СММ ба чашм хурданд. Сафири Точикистон дар СММ Сирочиддин Аслов, ки ба забони англисй рохат харф мезад, дипломатхо ва мехмононро хайра макдам мегуфт. 

Идомаи матлаб >>>

فراموش کردن فارسی ممکن نيست

هنوز خيلی جوان بودم ولی به خاطر علايقم، بسياری از ايران شناسان را از روسی تا آمريکايی 

ديده بودم، با آنها هم صحبت و هم سفر شده بودم، مصاحبه کرده بودم، اما پس از ديدن غفورف دانستم که در بين ايران شناسان مردی به دانش و پختگی او نديده ام، شايد هم در تمام عمر مردی به قامت او در فضل و دانش کمتر ديده باشم

سيروس علی نژاد

 

Ravshan Temourian | Paris-Metz-Montreal

Hoshang's training in FC Metz, France

 بازگشت پرثمر هوشنگ از فرانسه 

هوشنگ ششمین سفر آموزندگی و کسب تجربوی ورزش عالم گیر فوتبال را در یکی از بهترین کلوپ های فوتبال فرانسه به پایان رساند . این بار او برای انجام تمرین های عملی یکنیم ماهه  ( از ۱۴ مارچ – اخیر ماه اپریل ) به کلوپ فوتبال میتز فرانسه رفت  F.C. Metz  که از جمله بهترین کلوپ های تربیه و پرورش فوتبالیست های حرفوی جهان است ، در زیر نظر و تربیه مربیان ورزیده و ماهر توأم با تیم فوتبال بازان حرفوی مؤفقانه به انجام رسانیده به ایالت کبک کانادا برای ادامه تحصیلات عالی اش بر گشت . به قول او سفر این بار او بهترین و پر ثمر تر از سفر های گذشته اش بوده اندوخته های پرباری را از مربیان و جریان کار عملی و مسابقات از دوستان تیم شامل کلوپ و دیگران بدست آورده که بدون شک برای آینده بازی فوتبال آن بسیار مؤثر و مفید اند . او درین سفر با مربیان و بازیگران فوتبال ماهر و حرفوی آشنا شده دوستان زیادی را حاصل نموده است . وقتی نظرش را در مورد بر نامه های آینده تحصیلی و فوتبال آن جویا شدیم و همچنان اینکه  آیا در صورت تقاضای تیم های ملی افغانستان و یا تاجیکستان شما حاضر به انجام فوتبال به این تیم ها میشوید ؟

ادامه

Ravshan Temourian | Montreal, Canada 

Richard Nelson Frye: A Truly Friend of Tajiks 
(1920-2014)

Richard Nelson Frye (born January 10, 1920) is an American scholar of Iranian, Tajik and Central Asian Studies, and Aga Khan Professor Emeritus of Iranian Studies at Harvard University. His professional areas of interest are Iranian (Tajik) philology, and the history of Iran (Tajik) and Central Asia before 1000 CE.
This picture taken by myself at Concordia University during an opening ceremony of the section of Iranian studies of Concordia University ин тҳе ӣеар оф 2009.

Профессор Ричард Нелсон Фрай (торихи таваллуд 10-уми январи соли 1920) олими забардасти Иёлоти Муттахидаи Америка дар риштаи пажухиши Эрон, Точикистон ва Осиёи Миёна, профессори пажухиши эронй ва Аморати Ага Хон дар Донишгохи Харварди ИМА. Сохаи пажухиши професссор Фрай филология ва таърихи Эрон ва Осиёи Миёна дар даврони кадим.

Акси мазкур аз тарафи банда дар маросими гушоиши бахши пажухиши эронй дар Донишгохи Конкордияи Канада дар соли 2009 гирифта шудааст.

With my Great Ostad (Master), Prof. Richard Frye. He told us about his wish to be buried next to the Zayandeh River in Isfahan, Iran.This request was approved by Iranian president Mahmoud Ahmadinejad in September 2007.

Бо устоди бузургвор профессор Ричард Фрай дар Донишгохи Конкордияи Канада. Устод Фрай ба мо гуфтанд, ки орзуи ягонаи ишон ин аст, ки баъди фавташон часадашонро дар лаби Зояндаруди Исфахони Эрон ба хок биспоранд. Ин хохиши профессор Ричард Фрай аз тарафи президенти Эрон Махмуди Ахмадинажод дар мохи сентябри соли 2007 пазируфта шуд.

Дар ҳамон маҷлиси донишгоҳи Конкордияи Канада устод Фрай ҳудуди яку ним соат сӯҳбате доштанд аз боби таърихи Эронзамин. Дар толори боҳашаммати синамои донишгоҳ донишмандони ховаршинос, донишҷӯёни канадаӣ, арабҳо ва эрониҳо ҷамъ омада буданд.
Дар васати суханронӣ устод Ричард Фрай дар бораи нақши таърихии мардми тоҷик алоҳида ҳарф заданд, ки ҳозиринро тақрибан шок кард. Устод Фрай хитоб карда гуфтанд: " Исломро ба дараҷаю манзалати олӣ маҳз тоҷикон оварда расонданд!"

Ҳозирини арабтабор ва эронӣ ба ҳамдигар бо аломати шубҳаомез дида дӯхтанд. Аммо устод Ричард Фрай бори дигар ба толор нигариста баландтар хитоб карданд: " Бале, тоҷикон исломро ба дараҷаи олӣ бардоштанд! Инро бояд донед!"

Ман ва тарафдорони тоҷику канадаиам аз ҷойҳоямон баланд шуда, кафкӯбиро сар додем. Баъд ҳозирини эронӣ ва араб низ дар толор бо кафкӯбӣ аз ҷояшон баланд шуданд….  

Рӯҳатон шод бод, устоди човидонй!

                                                                                        

Туву ин миллат хеле дустдоштанист..

(Дуруд ба олими фарзона Акбари Турсон дар рузи чашни 70 солагй)


Устоди бузургвор!

Ту ба кайхоншиносй гута задй, то рухи фаласафаи кайхоншиносии файласуфони кадим Ибни Синову Ал-Форобй ва дигаронро ба инсоният муаррифй намой, то ба мабдаи хакикати миллатат бирасй.

Кушиш намудй ба табиати казияи «точикию сустй» аз зовияи фалсафй ва таърихй бингарй.

Ту чун Бедил дар атрофи табиату сиришти кавмхои хамсоя аз диди илму табииёт ва фалсафии замонхо андешахо рондй.

Ту барои миллатат чароги рушнойи хастй.

Аз Ту буи чуи Мулиён меояд.

Аз Ту буи Абуалй Сино, Абурайхони Берунй, Умари Хайёму Чалолиддини Румй меояд.

Хулосаи фалсафии абармардони миллат: «илму акл ба чомеаи адл» мусоидат мекунадро таквият бахшидй.

Дарк накардан ва нодида гирифтанхои сарзанишу хушдори Чалолиддини Румй «нармиву точикй» ин кавмро ба як мархилаи хатарафзо расондааст.

Эйнштейн барои инсоният неруи хастайиро такдим намуд, Ту неруи хастии инсонии миллататро аз каъри курун бозтоб кардй. Ту манзалати миллататро дар фазои бекарони кайхон муайян кардй.

Идомаи матлаб>>>

The New Year Party of Tajikistanis of Canada 

Базми солинавии тоҷикистониёни Канада 

(Паёме дар ҳошияи ҷашни Соли Нав)

Ҳамватанони азиз, тоҷикон ва тоҷикистониёни муқими Канада!

Нуфуси ҷамъияти тоҷикистониён сол то сол дар сарзамини Канада рӯ ба афзоиш аст. Ду сол мешавад, ки фарзандони тоҷикистонӣ, ки ба иялоти Онтариои Канада муҳоҷират кардаанд, нишасту дидорҳо барпо мекунанд. Бо ташаббуси як гурӯҳи ҷавонони барӯманди тоҷикистонӣ таҳти раҳбарии Салимҷон Паллаев фаъолияти созмони "Тоҷикистониён" дар Канада тадриҷан шакл мегирад. Ҳамватанони мо ҷашнҳои милливу оммавии сарзамини азизамон Тоҷикистонро кӯшиш доранд ҳама каса якҷоя таҷлил намоянд. Ҷашни хотирангези тоҷикон Наврӯзи оламафрӯз дар Торонто ва ҳамчунин дар Монреал, ки мутаносибан бо ибтикори созмони "Тоҷикистониён"-и Канада ва Ҷамъияти тоҷикони Канада таҳия шуда буд, аз хотираи касе зудуда нашудааст. 

Дар арафаи Соли Нави 2014 дастандаркорони созмони канадаии "Тоҷикистониён" дар толори муҷалали Thorncliffe Banquet Hall-и шаҳри азими Торонто бо иштироки васеъи хонаводаҳои тоҷикистониён ва меҳмонон аз Афғонистону Ирон базми хотирмони солинавиро ба роҳ монданд.

Раҳбарону фаъолони ҷавони созмони канадаии "Тоҷикистониён" Салимҷон Паллаев, бародарон Ифтихор ва Олимшоҳ Ватаншоевҳо, Отамбек Отамов, Манижа Худогулова, Диловар Мӯсоев, Додихудоева ва чандин ҷавони нозанини миллати бофарҳангу боҳуввияти тоҷикии муқими Торонтои иялоти Онтарио дар ин сарзамини бечорапарвару тоҷикпарвари зебо ва хонаи ҳамаи мо - Канада қалбҳои мо - тоҷикону тоҷикистониёнро ба Канада гармтар ва нармтар мекунанд. Созмони "Тоҷикистониён"-и Канада тадриҷан фаъол шуда, замони тамосу ҳамкориҳо бо ҳукуматҳои иялоти Онтарио ва федеролии Канада муроҷиат намудан муҳайё мешавад. Дар базми солинавии 2014 аъзои "Тоҷикистониён’ дар бораи ин марҳилаи муҳим дар ҳаёти сермиллатаи Канадаи нозанин ҳарф мезаданд. Худи ин нишасти зебои аз ватани бобоии мо, Тоҷикистони азиз баёдмонда, фоли некест дар роҳи дуру дарози таърихи кишвари азизамон - Канадаи нотакрор ва пайвасти намояндагони "Тоҷикистониён" ба ниҳодҳои давлати меҳрубонамон Канадаи инсондӯст. Он рӯзи таърихӣ наздик аст. Тавре тоҷикони асил мегӯянд, худо хоҳад, ба муроду мақсад мерасед. Ба умеди он рӯзҳои нек!

Соли Наватон муборак!

Бо эҳтиром,

Равшани Темуриён,

Бунёдгузори Ҷамъияти тоҷикони Канада 

Лутфан, барои хондани дигар хабархо ба БОЙГОНИИ НАВИДХО ворид шавед.

 ТАВАҶҶӮҲ!!!

Ҳамаи ҳуқуқи муаллифон маҳфуз гаштаанд. 

Истифода аз маводи сомонаи мазкур ҲАТМАН бо такя ба сомона ва иҷозати

Ҷомеаи Тоҷикони Канада бояд сурат гирад. 

tajikscanada@yahoo.com 

Copyright © 2008 - 09

Make a free website with Yola